min laurdagskveld begynte med la den rette komme inn på dvd. den var fin og herregud for nokon fantastiske skuespelarar. håpar mine barn blir like flinke til det dei vil driva med.

og sara kom! ho var egentlig pepp og hadde på seg sailor chick-tskjorta si.

me hadde piknik med kvikklunsj på golvet, sidan det hadde blitt mørkt ute.

og vin til, kald kald kvitvin. det smakte vår.

han der fine laga mat og tok seg pause men gløymte å ta av seg forkleet. han er nok den finaste som finst.

så åt me! med pyttelitt øl i magen óg.

og pizzaen hadde ananasringar og valnøtter, mine pizzafavorittar. fantastisk! så dukka det opp ei flaske med ferskenfint og me satt våkne til klokka var fire og sang disney-sangar og laga små filmar med photo booth. da kraup eg nydusja under dyna og fekk servert frukost på senga før eg omtrent hadde sovna. fabelaktig!


my saturday was the swedish movie let the right one in, sara, beer and pizza and the most beautiful boy in the world.

i dag tok eg og han der fine bussen ut til bygdøy, der er folkemuseet og der har eg ikkje vore sidan eg var kanskje tolv år.

kolonialen er open laurdagar og søndagar, og der har dei drops for atten kroner posen. med litt kongen av danmark og litt polkagrisar og litt anna fint.

det er mange fine skilt og hus å sjå fra ganske mange forskjellige tider. ein kan gå heilt bort i vindauget å sjå inn og om ein vil kan ein banka på sjølv om det som oftast ikkje er nokon heime.

han der fine kom heim i går kveld og eg har hengt rundt halsen hans heilt sidan, omtrent. han hadde tversoversløyfe og såg ut som ei løve som vanlig.

og eg såg berre ut som meg sjølv.

me gjekk i sirkel og i ring og litt oval og såg på alle fine husa og på rare turistar(nokon fra japan tok bilder av han der fine fordi han ligna sånn på orlando bloom, "you look like bovie star, you know bovie ring of the bord" hihih)

sånne vindauge vil eg ha for da ser det mykje finare ut når det regnar og ellers kan ein jo berre ha dei opne. det var dessutan utstillingar av masse dokkehus og eldgamle leiker og da smelta eg som ein dam på golvet.

me kjøpte postkort i museumsputikken og sendte eit par av dei til fine folk rundt omkring i landet. etterpå tok me bussen til frogner, fekk fire makronar i ein pose og åt dei til dessert(etter graut, såklart). mums. også har me kyssa masse, i tilfelle de var i tvil.

har de vore på eventyr?


my saturday: we went to norsk folkemuseum to walk around and eat candy from paper bags, wrote some postcards and ate macarons for dessert.

eg har ein zooey deschanel-periode akkurat no, og dei siste dagane har eg sett gigantic.


med zooey.

og paul dano fra little miss sunshine, åh.









den handlar om kjærleik og om å ha det vondt. og litt om kina og om senger. sjå den, da. har de fleire filmanbefalingar?


my film tip for this week: gigantic.

kjelde

her på bloggen har eg kanskje femti utkast. om gutar som har knust hjartet mitt, om familie, om rare ting han der fine gjer, historiar om personar eg ikkje kjenner. dei er vanskelige å skriva, og eg skriv kanskje litt på dei ein gang i veka eller så, og av og til publiserer eg dei(som i går), men nokon gongar treng ein jo litt hjelp óg, og da har eg funne ut at det er ganske lurt å spørja, spesielt sidan eg har lovd meg sjølv å kanalisera kreativiteten min meir inn i foto framover enn på bloggen. så no kan de få sei, heilt sånn på ein fredag, kva de vil at eg skal skriva om eller visa bilder fra framover. for det kan jo henda det tar slutt ein gang, og det vil me vel ikkje.

(og ver så snill, ikkje skriv at de er fornøgde med sånn det er no for det hjelper jo ikkje)


i am wondering what you want me to write about?

her får de tre nye innblikk i magasinet:


caitlin shearer


linn strømsborg


sara berntsen

åh, dette er så fantastisk gøy!


three new peeks into my magazine.

kanskje var eg tretten første gang, kanskje yngre, eg hugsar ikkje, eg hugsar berre ei scene fra bakerst i ein buss, ein prikkande følelse i tunga og av at armane mine var så tunge at eg ikkje klarte å løfta dei. ein følelse av å vera absolutt fullstendig lamslått av frykt for noko ein ikkje klarar å identifisera eingang. ein intens kvalme som varte i kanskje sju minutt til det gikk over. eg fortalte aldri om det, det er vanskelig nok å vera tretten og merkelig om ein ikkje skal sitta bakerst i ein buss og vibrera sånn for ingenting. eg sat med store bøker i fanget i andre etasje på biblioteket, i hjørnet så ingen skulle sjå kva eg las, og prøvde å finna ut kva det var som hadde skjedd. blodpropp. kreft. hjerneslag. hjerteinfarkt. det gjekk månadar uten antydning til den samme bisarre opplevelsen så eg gløymte det litt vekk heilt til det plutselig kom tilbake, i ein svømmetime på ungdomsskulen, kanskje den einaste eg hadde, på tremeteren, nesten på kanten, og eg var heilt sikker på at eg skulle dø. som om nokon kasta ein sofa i brystkassa på meg, igjen og igjen og igjen. seinare var det kanskje på handballtrening, på veg til skulen, i eit purstagsselskap. medan dei andre leikte flasketuten peikar på sat eg bakerst i eit skap og hyperventilerte.

ikkje før eit par år seinare forstod eg at eg har angst i blodet(den typen som snik seg inn over deg når du kanskje ikkje eingang har det spesielt ille), at det er mykje det samme som at søster har brunt hår eller at storetåa mi er heilt lik pappa si, at det ikkje handlar om å vera pysete eller svak men at det handlar om å læra seg å leva med det. sjølv om det av og til føles som ein skal føda mellom hyllene på kiwi eller som om ein kjem til å smelta medan ein ventar på eit tog. så får ein heller lov til å ligga ein heil dag i senga om ein føler for det. heldigvis er eg utstyrt med fuglar i håret og ein som lar meg holde hånda hans så hardt eg berre klarar. for meg slår det piller på eit glas kva dag som helst.

(det er mange som har spurt meg om å skriva om angst, og eg tenkte å skriva litt men eg garderer meg her likevel. om det er noko meir de lurer på er de veldig velkomne til å senda meg mailar så skal eg svara så godt eg kan.)


about being very young and not understanding i had anxiety in my blood.

i riga fekk eg kjøpt ein boks med raudt silkebånd på, og da skjønnar eg jo sjølvsagt at de vil vita kva som er i den!

eit kaleidoskop! sjølvsagt. som er veldig spesielt for sjølve perlene er på utsida inni væske og ein kan snurra den og holet til å sjå inn er kjempestort så det blir som ei heilt ny verd.

så fantastisk og reint og åh. sommarfuglar i magen.


my new kaleidoscope from riga!

å våkna og tenka at ein ikkje vil stå opp også innsjå at ein berre har sove ein halvtime og kan sova mange timar til. når ein tar eit bilde og føler at det ein nettopp skapte var vakkert. når ein blir svolten på ein fest midt på natta og lagar pizza av det som finst. å le heile natta også gå ut for å ligga i graset når sola står opp. å føla at ein har hjulpe nokon ein ikkje kjenner. å teikna på seg dei rødaste leppene i heile verda også føla seg fin resten av dagen og tusen blikk på gata. ny parfyme. å finna eit plagg ein likar også passar det på millimeteren. når ein lagar ny type mat for første gang og resultatet blir fantastisk. å drikka ein liter kaldt vatn på styrt når ein er tørst. å sjangsa på ny vin berre fordi flaska er fin også er den fantastisk god. når ein berre må skriva historiar på alt av papir ein kan finna ein plass mellom oslo og heime.

kva likar du?


i love a lot of things, including having red lips and smiling to people on my way, making new foods successfully, trying new wines and loving them.

i dag stod eg opp tidlig og jobba som ein liten bever med magasinet. tok på meg min nye raude leppestift og når eg kom heim etter tre timar var den så rød fortsatt, tenk det. åh. perfekt. no syns eg du kan komma heim snart så me kan kyssa og sjå kor lenge den held.

ute kjøpte eg potter på marita-putikken og potteplanter på mester grønn. dei som jobbar der er så himla himla søte og smiler. eg likar folk som smiler.

den eine har små løkar men er grønn og kjedelig enda.

men den skal bli sånn blå og fin kanskje midt i april når me drikk øl på eit teppe i parken.

og ein lillarosa, herleg fint fint fint.

og sjølvsagt ein pytteliten bukett óg. eg håpar den er frisk til du kjem så me kan ha den mellom oss på middagsbordet.

så åt eg herlig fantastisk middag, pasta- og kyllingsalat.

til dessert: te! (den lille tekanna kjøpte eg i riga så den har du ikkje sett enda, er den ikkje fin)

og druer.

etterpå ville eg laga noko så eg drog fram blomar og limpistol og laga ei fin hårspenne!

sjå! eit rede i håret.

så skreiv eg postkort og no ser eg csi. det er mykje knivar og sånn, så eg er nesten glad du ikkje er her. no er det berre tre netter igjen også reiser du aldri ifra meg meir for da klemmer eg foten din i døra.

hadde de andre fine tysdagar?

(det er mange som lurer på korleis eg kan gjera så mykje ingenting som eg gjer, og det er fordi me har skule maks tre dagar i veka, og eg er så lite motivert at eg sjelden står opp for å gå dit. det er kjipt og eg vil ikkje ha det sånn så imorgon tvingar eg meg sjølv til å gå. berre i tilfelle de lurte. liksom.)


my third letter to my boyfriend: today i am still amazed by my new lipstick, bought new flowers, ate pasta and chicken salad for dinner with tea afterwards, made a bird barette for my hair and wrote postcards for some nice people.

på bordet står det ein drink, knall blå, den er ikkje hans men den ser jævla dum ut. tjuesjette etasje, han overvåkar kvinnene nede på gata, fotograferer dei utan at dei veit det, prøver å finna ut kva cup han vil vera(han ser ut som ein d). i lomma har han eit avtalekort med ein lege i eit anna land. om to timar reiser han og ho veit ingenting enda, derfor desse idiotiske drinkane. han kjem til å hoppa på eit tog og reisa fra alt, reisa fra seg sjølv og fra ho og vekk fra sin eldgamle jobb(med blomar rundt graver og kyrkjer). han fotograferer ho for å hugsa alle detaljar, freknene på nasen og kor tjukt liplineren er teikna. litt for å hugsa, men óg for å vita korleis han sjølv kjem til å sjå bli, som frigjort, som kvinne, som nokon sitt trofé med forkle med sløyfe bak og steika i ovnen. han snakkar om å vera einsam, ho seier at ho set pris på det, at ho skulle ønska ho kunne reisa langt vekk og brenna alle bruer bak seg, og akkurat da veit han at ho kjem til å tilgi han. han går forbi dansande masser og røykskyer, på bordet ligg eit brennande brev som forklarar alt. han tar heisen ned, og når dørene opnar seg i første etasje har eit heilt nytt liv begynt.

i riga sel annakvar gatebod babushka-dokker. sjølv om det ikkje er typisk latvisk kunne me ikkje la vera å kjøpa ein når han som jobba på den eine var så kald at han var blå. men da er det jo fantastisk at eg fekk velga ein med heile ti dokker så den innerste er så pytteliten at ein nesten ikkje kan sjå den! fint, seier eg.


my new babushka.

tim walker sin editorial for italienske vogue denne månaden, lady grey. åh. det er så ein vil kjøpa minst ti nummer og tapetsera med dei. tim walker, eg elskar deg. på ordentlig. kva får hjartet ditt til å smelta i dag?


i love love love tim walker's editorial in italian vogue this month.

bilder som får meg til å villa reisa meir og berre leva:



bileta er linka til kjeldene sine.

kvar vil de helst reisa akkurat no?

dette innlegget er sponsa av westerdals.


images that make me want to pack my bags and leave(though i'm still in riga).

først: hotellfrukost. åh, elskar de ikkje hotellfrukostar? alle kjem ut av gøymeplassane sine og ein får sitta der i ein krok og studera alle som går forbi. og hermetiserte fersken, hihi.

etter frukost gjekk me, veronica skulle til tannlegen(the smile factory, hih), så eg gjekk litt rundt, prøvde å finna litt second hand, men det var som fretex på grønland i oslo(berre billigare sjølvsagt). men veldig fint å berre gå gå gå til føttene ga etter.

me gjekk på det store markedet som ikkje var noko bra, me kjøpte såpe og sjokoladepålegg og ein champagne og gjekk heim for å drikka den!

ti minutt og ei flaske riga-champagne etterpå tenkte me at det sikkert var okei å gå på shopping! så fylleshopping vart det, på eit koselig senter. med den finaste leikeputikken.

ser de hylla nede der? ka-lei-do-skop. åh. eg kjøpte berre eitt, men angrar.



det er så ein vil flytta inn dit. og sjølvsagt spelte dei amelie-soundtracket.

så gjekk me til chocolatier emihls gustavs der me kjøpte sjokoladetrøflar.

favorittar: rose og champagne. elskar. så skjedde noko fint: me skulle på restaurant og tenkte å ta drosje, så me snakka med ein taxisjåfør og istaden for å køyra oss dit med tusen omvegar berre peikte han og sa "five minutes walking that way". åh. <3

me bestilte ei flaske raudvin på fancy italiensk restaurant, kelneren var den søtaste i verden og veronica var mannen i forholdet.

me bestilte fra menyar med sløyfe på. eg fekk and med rips og ho fekk biff med pære og sjokolade. herlig.

eg var raudvin-glad.

medan me venta på dessert skreiv me historiar om dei andre på restauranten, me har blitt ganske flinke til det óg.

dessert! åh. med pinjekjerner på toppen.

så til baren på hotellet som framleis er den merkeligaste plassen i heile verda med folk i alle aldrar og formar.

og den kulaste dj'en i verda. me forelska oss i strawberry mojitos og skreiv meir historiar om dei på dansegolvet, prøvde å unngå blikket til eldre menn(norske og svenske sjølvsagt).

cuba libre!

mint daquiri. så var klokka fire og absolutt på tide å sova! i dag er enda ein ny dag, ein søndag, og min siste dag i riga. det får bli ein fantastisk ein.

har de vore på eventyr no?
ps: neste veke er det meldt 5 grader i oslo. <3


my second day in riga was walking a lot, drinking a lot and having a lot of fun.

me tok taxi inn fra flyplassen og snakka om kva drosjesjåførar tenker om passasjerane sine. så sjekka me inn på hotel regal, som er superhøgt og me har ganske fin utsikt.

me slapp alt me hadde i hendene og sprang ut for å gå og møtte kanskje tusen ender. eg er litt redd ender, for eg er sikker på at dei skal hoppa fram for å bita meg i foten men eg innser at dei kanskje ikkje har tenner.

me gjekk forbi brua med hengelåser(folk som giftar seg går dit for å henga opp hengelåsar som har bryllupsdato og navn).


gamlebyen var veldig søt og me landa på ein japansk restaurant.

finkusine med min nye leppestift.

eg fekk maten min i ein boks.

og etterpå fersk peppermyntete!

og sjokolade-sushi.

etterpå tilbake til hotellet der kusine skulle få massasje og ansiktsbehandling. eg låg på rommet med room service-burger og vogue og i-D på senga(for hundre kroner til sammen, åh. <3).

etter ho kom tilbake etter ein million timar og tusen behandlingar, drakk me asti på hotellrommet og reiste på sky bar for drinkar. ho fekk ein med riga-balsam og eg fekk ein bellini(fersken. <3).

mums! me skreiv historiar om folka rundt oss(kanskje de får lesa seinare), og kabba forholdsvis tidlig og sov og sov og sov. og i dag er ein ny dag, er det ikkje fantastisk?

har de fine helger?


my first day in riga: just walking, exploring, eating japanese food and having drinks.

photo: damon heath.

lindsey wixson er min nye modellcrush. egentlig heilt sidan sist nummer av lula, men etter ho dukka opp på miu miu sine kampanjar óg har ho berre bergtatt meg. lily cole, irina lazareanu, jessica stam & lara stone, gjer plass på det lille rommet i mitt hjarte som heiter modellar, liksom. men mest av alt ville eg hatt ho under senga så ho kunne fortella meg godnatthistoriar og berre vera vennen min. men ho er nesten for fin for det óg.


my new model crush: lindsey wixson.

hei, finingar! no er eg i riga med min nye(litt avblassa leppestift) fra mac og fabelaktige kusine. me bur på luksushotell og det er veldig rart. me skal ut for å gå gå gå og sjå sjå sjå, korleis er noreg? kan de ikkje lova meg at de reiser på eventyr i helga? plis? også må de fortella om det etterpå. lov!

ps: han der fine har skrive ein tekst om meg og han og skjebnen og sånn. les her. er han ikkje berre det finaste?


i'm in riga with new lipstick and my lovely cousin!

i dag, etter å ha vore i senga til halv seks, fant eg og han der fine ut at me måtte komma oss ut litt i frisk luft. me gjekk for kakao, men der var det stengt og me endte opp på tea lounge på birkelunden.

der hadde dei drueklaselamper i taket.


og dei mest fantastiske(holdt på å skriva med store bokstavar no) maleri/teikningar på veggane. dei som jobba der kunne ikkje oppdriva eit navn til meg, er det nokon som veit kva kunstnaren heiter?

her er min kopp med te, det er darjeeling og den var middels god.

finast i verda. jamen på ordentlig altså.

og her er meg under eit av dei finaste maleria. eg hadde ein paraply i håret, men den er det ingen som ser. me satt innerst i kroken og kyssa i ein time. fint med mørke hjørne sånn sett.

hadde de fine marstorsdagar?


my thursday was staying in bed until half past five and then going out to get tea and making out in a tea lounge. <3

i natt fekk eg ein telefon fra ein fin som hadde forsove seg langt forbi der han skulle av og var på veg til oslo. tenk så fint. åh. klokka halv seks i dag tidlig peip eg når han låste seg inn og me ligg fortsatt i senga. håpar de har like fine marstorsdagar som meg. var berre det. suss!


my boyfriend, very unexpectedly, came home very early this morning and i am very happy about it.

hei, fina. no er du på sandane utan meg og det føles litt rart at du kanskje står i eit klasserom akkurat no og snakkar om nynorsk, på min gamle skule, blant mine gamle lærarar. i natt sov eg ingenting og i dag sov eg til klokka var kanskje halv tre. da rydda eg og vaska klede(utenom gensaren din eg brukar som pute). klokka fem gjekk eg ut(for det var fortsatt sol ute, tenk det! også er ikkje du her eingang).

eg gjekk til den lille kokosbollefabrikken, kjøpte ein kokosbolle og åt den på veg heim. ho dama som jobbar der er så supertreig men søt likevel.

på veg heim møtte eg ein katt og han var heilt ålreit til katt å vera. eg prøvde å snakka med han men han ville ikkje snakka med meg, han ville berre ligga der til sola gjekk ned og det kan eg jo forstå. rart å vera så einsam at ein snakkar til kattar.

eg kjøpte ein melkeliter og reiste heim og no skal eg laga middag og sjå film og venta på at det kanskje skjer noko. kanskje brannalarmen går, det ville vore veldig spennande. avisa fra søndag ligg framleis utanfor døra, eg orkar ikkje løfta den opp, og kinesarane har fisk i dag så det luktar i heile gangen. eg saknar deg. suss.



my second letter to my boyfriend saying what i have done today: bought and eaten a coconut cake(i have no idea what its real name is), talked to a cat who didn't talk back, and now i'm making dinner and watching a movie. i miss him very much, specially since the sun was out for such a long time today.