dag 1

framme på gardermoen var eg så himla trøytt og ville berre ta bilder av kjolen min og skoa mine.

fredrik prøvde å spå framtida for turen i kaffi. det klarte han fint.

i oslo regna det og var fælt fælt vær.

framme i amsterdam var ikkje det så nøye for der har dei starbucks og dessutan var det ikkje regn eingong.

taket på rommet vårt såg sånnher ut, og me fantaserte mykje om kva hotellet hadde vore før det var hotell. me budde midt i hovudgata og utanfor vindauget var det alltid folk. fra tredje etasje kunne me sjå kva saus dei hadde på frittes-ane sine til og med.

eg kjøpte favorittparfyme med romantisk blåseting på. eg føler meg som 20-talls dame. manglar berre kjolane, kanskje.

trappeoppgangen var ganske fin(men bratt).

det var christine òg. fin altså.

dag 2

i amsterdam har dei byrja påskeførebuinga. eg kjøpte masse sjokoladeegg. dei hadde til dømes tiramisu-smak eller kokos eller kaffi. åh! så mykje godteri på ein plass.

me var på sex-museum. eg tok nesten berre bilete av undertøyet for det var ganske vulgære ting der, kan de skjønna. men interessant.


fredrik kjøpte godteri med gamaldags emballasje, den var så fin at ein fekk lyst til å berre ha den for alltid og aldri eta dei i heile tatt. men det gjorde me jo sjølvsagt. den oransje hadde små lakrissaker som såg ut som små sauar. dei var himla gode.

me var ganske trøytte typar i feriemodus og sov mykje. i skjei.

me gjekk langs kanalane, som var ganske romantiske. og husa er så innmari fine. nokre ser heilt falleferdige ut og bøyger seg ut mot kanalane i toppen, men folk bur i dei likevel. me gjekk òg i red light district denne dagen, og det var veldig merkelig å faktisk sjå damene som dansa i vindauga.

me satt i vindauget på ein film-måte. der åt me chips.

me spelte vriått med mine nye kortstokkar som eg må visa fram seinare ein dag. dei er dødsfine og kjøpt på ein vintageputikk med den finaste mannen eg har sett. utanom j sjølvsagt.

me drakk malibu og rosè-øl(fantastisk godt!) til me vart tullete også hoppa me i sengene. det var forresten kanskje det me gjorde mest av på heile turen. me hoppa vrak av sonja si seng, stakkar. men det ordna seg altså.

dag 3

me gjekk på marknad, og på veg dit var det så masse fine putikkar at ein nesten spydde polkadottar og blomar. eg meinar det. dette var den finaste finaste. her kjøpte eg dette spelet:

som eg ikkje har spelt enda, men eg trur det er eit slags lotto-spel. fint er det i alle fall, og det skal prøvast snart snart snart.

ho hadde så mange fine stoff som ho laga alt mulig av, til dømes toalettvesker som eg kjøpte ei av. den er rosa og den skal de få sjå om de er riktig snille. marknaden var forresten veldig stor og veldig mykje fint gammalt som eg fekk med meg litt heim av.

eg kjøpte mange små skattekister med lås på.

oppi var det godterihjerter. det gjorde godt for magen.

eg kjøpte kaleidoskop, som vanleg. ein reknar i gjennomsnitt med at i alle fall eitt kaleidoskop blir med heim etter eg har vore på ferie. men det er okei. for eg samlar jo.

det var dei fyrste dagane i amsterdam. eg bloggar fleire dagar i slengen, for eg har så mykje anna eg har lyst til å visa fram akkurat no at eg vil skyndte meg. eg gler meg til å visa alt eg har kjøpt! for augneblinken er eg himla fattig, men det var verdt det. og veit de kva anna som var fint? å ligga med fletta føtter med ein fin ein i heile natt. merkeleg kor mykje ein kan sakna å klø nokon andre på ryggen. eg er himla forelska og det kan ingen ta ifra meg heldigvis.

eg er på skulen og høyrer på spelelista mi på spotify som heiter måndagar som er som rosa elefantar utan croissantar å støtta seg på(om du har spotify kan du berre trykka også får du den òg. fint!). eg håpar alle har det superfint og har tenkt å ha nydelege måndagskveldar.