hei, alle saman! eg bloggar fraa amsterdam! eg har hatt det fantastisk og gler meg til aa visa alt til alle saman. i kveld er siste kvelden, og me skal ut ut ut! suss!

min m står for mariell

det er vel ganske logisk. for det er jo meg!

min m står for marokko

hit skal eg ein dag og det blir magisk.

min m står for mjuk

ein skulle ønska at ein hadde ei kanin så ein kunne kosa med mjuke kaninøyrer heile dagen lang.

min m står for mango

ein av mine favorittfrukter, absolutt.

min m står for makronar

det var vel sjølvsagt. eg lengtar etter paris nesten kun for makronane sin del, eg. hihihi. lakris er best. i oslo har dei pascal! eg og pascal blir bestevener til neste år.

min m står for muffins

å nam.

min m står for mint og alt som smakar mint

heilt sidan eg var liten har eg vore besatt av alt som smakar mint. når eg er i utlandet hamstrar eg peppermyntete for det finnast av ein eller annan grunn veldig lite av det i noreg. men ja. alt som smakar mint! mmint.

min m står for marie antoinette

ein av dei finaste filmane nokon gong.

kva står din m for?

[heihei. min m står for miles davis, marknader med gamle klede, målstrid, markjordbær og mykje meir. men aller mest står den for mariell, som eg skal hente på tyinkrysset 21:52 laurdag og musikk, som eg fyller dagane med når ho er vekke.]

om eg budde her var eg kanskje 30 år. eg var blitt kjent i europa og dei rette miljøa som fantastisk fotokunstnar(jada, eg veit eg må bli det fyrst) og eg hadde solgt for millionar. om eg budde her budde eg i new york, og det var ei pyttelita leiligheit med berre akkurat det ein trengte og difor var det perfekt. for mesteparten av pengane hadde me brukt på eit hasselblad-kamera og eit råfint piano. heile leiligheita var dekka av bøker, over alle veggane og i stablar på golvet, og borna våre brukte bøker til å sitta på rundt middagsbordet. om eg budde her hadde eg jordbærblondt hår og så mange kjolar at eg måtte henge dei utafor vindauga, og eg hadde definitivt lært meg å gå i høghæla sko. og eg hadde jobba for meg sjølv fram mot utstillingar, så om morgonane fekk eg sova så lenge eg ville og når eg våkna kom fine små for å ligga i senga med meg og eg skulle få dei til å le så dei fekk vondt i magen. så laga me blåbærpannekaker til frukost, med sirup på. og mintkakao. det skulle vore fint. veldig fint.

korleis hadde det vore om du budde her?

  

[hei. det er meg igjen. eg ville berre seia at om mariell budde her, så hadde eg budd her òg, og det er fint å tenkje på.]

om eg hadde vore snop hadde eg nok vore ei cognackule. søt på utsida og alkoholisert i midten. neida tulla. kanskje eg hadde vore lakrisfudge. litt hard å komma inn på, men veldig mjuk og søt i midten.

kva type godteri hadde du vore?

[jostein her. mariell har det fabelaktig i amsterdam. nye sløyfer- euforisk. eg trur forøvrig at eg faktisk hadde vore ei cognackule; fersk utanpå, årgangs inni. eller ein marshmallow; bleik, tvers gjennom mjuk og så smått kvalmande. er ikkje heilt sikker.]

tenkte eg skulle lansere ein konkurranse frå amsterdam, og eg tenkte òg å kjøpa premien her. det eg vil de skal gjera er følgande: skriv ei histore rundt dette biletet. gjerne korleis det hadde vore om du hadde budd her, korleis du skulle sett ut og om folka rundt deg eller om kven som bur her(kanskje er det ei skummel gamal dame?) eller har budd her før? i alle fall, skriv ein liten tekst om dette slottet. publiser det anten i kommentarfeltet eller lag eit innlegg om det og gi meg linken. så blir det kule ting å få i posten. heilt frå amsterdam! kven er med meg?

no reiser eg

og herr grå

og frøken texas

og fru fure

og blingvild til amsterdam! me skal bu i red light district og eta pannekaker til frukost. som vanleg er det berre å senda mail om det er noko de lurer på, men bloggen trur eg vil bli oppdatert av han der fine, blir ikkje det bra? eg håpar de får fantastiske vinterferiar, alle saman. det skal eg!

suss!

ein blir aldri heilt vant til å få beundrarpost. folk sender meg nydelege brev, filmar, snop(!) og kvitteringar. og det er himla himla fint og eg blir veldig glad. her er ein spesielt fin

trykk på biletet for å sjå den stor. tusen takk for at de er så fine. eg blir glad av post.

no stikk eg til florø og i kveld skal me på russerevy og drikka øl. i morgon tidlig stikk eg til amsterdam, og da tar han der fine over som bloggmoderator. det vil egentlig seie at han berre skal publisere mine utkast utover i veka. men ver snill med han! (han har dessutan ein veldig fin blogg sjølv, sei gjerne "hei, du er fin").

hadet finingar! håpar alle får fantastiske vinterferiar og veker. suss!

eg har enda ein ny kjole og den er min nye kjærleik for augneblinken. i kveld er eg grinekjæreste som ikkje vil reisa ifra kjæresten sin, det er ganske slitsomt men òg litt fint. no må eg pakke pakke pakke til langt på natt og i morgon reiser me(nesten).

min l står for limegrønn

eg likar limegrøn så godt at eg malte liksågodt veggen på rommet mitt limegrønt då eg flytta inn i kråkeslottet. den veggen blir det hardt å flytta ifrå.

min l står for ludo

eg er ein jævel på alle sånne spel frå barndommen. i alle fall om eg får spela raud.

min l står for london

eg føler til ein viss grad at lufta er reinare i london enn nokon annan plass i heile verda. alt er så vakkert og eg følte meg heime frå første minutt. om nokre år flyttar eg og min fine hit. og då blir det magisk.

min l står for lula

det beste magasinet som fins! eg meinar det.

min l står for lovely bones

eg er så glad i denne boka, og no kjem den snart på film. eg gler meg sånn, heia susie! på norsk heiter den alle mine kjære, og den er kun omsett på nynorsk hurra!

min l står for l word

...berre ein av desse seriane som er avhengighetsskapande.

min l står for lyden av snø

den lyden av den første snøen som fell og treff det grøne graset. seinare, lyden av sko som går i kram snø. det finnast ingen lyd som lignar.

min l står for løvetann

for da er det verkeleg vår! og då kan ein binde blomekransar og dansa og dansa og dansa.

loppemarknad

(eg gler meg sånn til amsterdam herregud)

lina scheynius

ho er eit enormt forbilde for meg, og dessutan veldig kul som faktisk svarar på mail frå oss vanlege dødelige.

min l står for lille larven aldrimett

eg elskar han jo.

min l står for lysekroner

store, overdådige lysekroner er av dei tinga som verkeleg kan slå pusten ut av ein.

min l står for leppestift

alle jenter som tør å gå med leppestift er tøffe jenter. for det er ikkje så enkelt som berre det faktisk. derfor er det himla tøft.

min l står for lomography

fantastiske folka som selger fantastiske kamera. <3

kva står din l for?

endeleg ein odd molly-kjole i samlinga, wuhu! eg kjøpte den i oslo i helga og for augneblinken er den min største kjærleik. akkurat no pakkar eg og styrer litt før eg reiser til amsterdam i helga. har du vore der, og isåfall har du tips til kvar det er kult å vera?

suss!

i dag lagar eg animasjonar og forklarar

eg har veksla euro. eg elskar min nye peack body butter. eg... et sløyfe. eg har fått løyndommar. jepp! og alt i min fine nye kjole som eg skal visa fram seinare i dag. suss!

i dag har eg berre ei bok for eg er så himla trøytt. the curious incident of the dog in the night-time av mark haddon.

eg kjøpte mi i ei pyttelita sidegate i roma. den er fin og slutt og luktar som gamal bok. eg elskar det! den er på engelsk men eg har lest den på norsk òg, og den er nesten like fin. den handlar om christopher. han er 15 år og autist, og boka handlar om at han prøver å finne ut kven som har drept hunden til nabodama.


ein av mine favorittdelar:


det er ei nydeleg bok som eg veit eg kjem til å lesa om igjen og om igjen.

closer er ein usedvanlig vakker film. har du sett den?

de er så fine. eg meinar det. eg sender rundt klemmar til alle som vil ha i dag. for i dag er ein god dag.

i dag er ein dårleg dag. i utgangspunktet er eg prinsipielt imot at det finnast dårlege dagar. men i dag er verkeleg ein slik dag. me kom heim klokka halv åtte i dag tidlig etter å nesten ikkje ha sove i heile tatt på nattbussen, så forsov eg meg til skulen og når eg endeleg hadde stressa meg dit, hadde me ikkje undervisning eingong. heile dagen.

men ja. så no lagar eg makronar med kvit sjokolade og kokos. eg føler meg litt som nora. pluss at eg ser paris je t'aime, og fy som den hjelper på dårlig humør. ikkje sjå traileren på youtube. eg meinar det. den er forferdeleg i forhold. berre kjøp den. den kostar typ 50 kroner på play.com.


min absolutte del av filmen er den her. vakre pantomimen som finn ei kjæreste i fengsel.

og fantastiske maggie gyllenhaal er med.

og elijah wood.

og natalie portman, som er ein av mine absolutte favorittar i heile verda. ho er så vakker.

og de vil ikkje tru kor mange dyktige skodespelarar som er med; juliette binoche, steve buscemi, willem dafoe, gerard depardieu, maggie gyllenhaal, natalie portman, elijah wood. og mange andre. berre sjå den. på ein god eller dårleg dag, den er fin uansett.

og de som ventar på bok-innlegget: det kjem i morgon. berre litt vanskeleg å scanna på nattbuss nemlig. suss!

angåande løyndommane:
1. eg kjem til å laga ei bok med løyndommane som eg så stiller ut på ukm den 20. mars. påmeldingsfristen er 2.mars, og til da vil eg ha inne alle løyndommane som skal vera med i boka så eg får sendt den til trykking. så! om du vil ha løyndommen din på trykk i boka til ungdommens kulturmønstring, så send den så eg får den til 2.mars. eg håpar det finnast mange mange som framleis vil senda inn, eg er så umåteleg glad for at det er så mange som har lyst til å vera med på det her og er ganske stolt for at så mange vil dela sitt med meg og alle andre.

2. etter ukm kjem eg framleis til å ta imot løyndommar for å legga ut på flickr og på bloggen. så veit de det om de er bekymra for at de ikkje får vore med. men det beste er sjølvsagt at de får vera med i boka!

så lurer eg på ein ting. gjennom brown paper packages har eg fått ei brevvenninne som heiter cynthia. ho er perfekt brevvenninne for meg, veit de kvifor? ho elskar pushing daisies. ho likar raude fingernegler. ho likar fotografi og kunst og spesielt grafisk design. ho likar kjærleik og pepsi. ho har musikkkjærast. og ho likar hello kitty men ikkje sånn "obsessively though." cynthia er frå usa og snart skal eg senda ei pakke til ho. og då tenkte eg å spørja om det var nokon som hadde forslag til kva ein kan senda nokon sånn for fyrste gong når ein er frå noreg og liksom skal vera litt ambassadør for sitt land?

takk på førehand, fine blomar.

i går fekk eg møta storm for fyrste gong. han er ein veldig kul fyr som aldri bråkar.

eg fotograferte han til ei skuleoppgåve.


han syns det var heilt ok.

me kom fram fredagskveld og sov hjå janne. ho har vindauge i taket ein kan spegla seg i.

laurdags morgon. eg speglar meg. så kom kjærasten. hei kjærasten.

me var på fin kafè. på grünerløkka sjølvsagt.



så var me på vintageshopping.

og ikkjesåveldigvintage-shopping.

så! teater. åh, det var herleg magisk.

etterpå gikk me på kinarestaurant.

han der fine var glad og nøgd.

det var eg òg.

eg var maske-maske.

servietten var papirbåt som ein til dømes kan ha på hovudet.
eller svømme på havet.

så mykje kosta maten.

så gjekk me heim for å eta søte bjørnar og sjå pushing daisies.

i dag tidlig tok me toget til den vakraste kusina i verda med den vakraste familien. der åt me frokost med spion-brød.

orion leikte maske-maske.

han der fine fekk vera med.

så leikte me litt gøymsel i senga.

no ventar me på at storm skal sovna så me kan fotografera. fin helg! kva har de gjort i helga?

i spørsmålsrunden var det nokon som spurte om mitt første kyss. det er eigentleg ein ganske søt historie.

når eg var yngre budde familien min framme i ein dal, ganske avsperra fra resten av sivilisasjonen. ungane i nabolaget pleidde å finna på ganske mykje morsomt, me bygde utallige trehytter og leikte gøymsel i skogen og i fjellet(for sånn bur eg, nemleg). også hadde det seg sånn at eg var litt... småforelska. i ein gutt. sjølvsagt var det den samme guten som alle jentene på min alder i nabolaget var forelska i, men det var liksom ikkje nøye når ein var 12 år for heile verda var di og ingenting vondt kunne skje.

ein dag berre ringte det på døra. og det var han. og han tok meg i hånda og eg berre fulgte etter han for han tok meg i hånda. han tok meg i hånda. flodhestar i magen. øverst i nabolaget budde det ei veldig gammel dame. ho var pensjonert misjonær og laga dei beste lappane i heile verda, eg lovar. ho hadde eit uthus der me pleidde å leika. me innreda det til og med, med alt me kunne finna heime som ikkje ville bli sakna med det første. han geleida meg inn i uthuset. eg, litt usikker, satte meg på enden av senga. han satt seg ved sidan av meg. så datt me liksom bakover samtidig. fnising, hugsar eg. også spurte han kan eg få eit kyss? og eg sa nehehehehei. det kan du minnsann ikkje, berregløymdetkompis.

men så la han hovudet mot mitt som hestar gjer og liksom strauk mitt hovud med sitt hovud før han la seg til med trutmunn og det eine auget ope(for ein skal jo eigentleg ha augene att som på film, de veit). så sussa eg han. midt på munnen. og det var det raraste eg nokon gong hadde gjort, for kven skulle vel tru at det gjekk an å sussa ein gut sånn heilt utan vidare på ein torsdags ettermiddag. så låg me berre der og såg i taket ei stund, hugsar eg, før me sussa ein gong til. så gjekk me heim til han for å eta lollipop og sjå ricki lake. for det var jo det me pleidde å gjera.

(eg har det fabelaktig i oslo!)

i dag fekk eg berre èin og det kan sjølvsagt vera greitt og i alle fall når den er så fin.

om eg var ein gut skulle eg heite oskar og ha frekner og krøllete hår. eg skulle laga paiar(som ned) og ha min eigen pai-putikk. eg skulle vera forferdeleg nervøs, men om det var ei jente eg verkeleg verkeleg likte, så laga eg ein cd med mine absolutte favorittsongar(med band som ingen hadde høyrt om) og sendte den i posten. og eg skulle drøyma om paris, og i all hemmeligheit kunne eg faktisk snakka flytande fransk. og eg skulle røyka sigarettar veldig sakte, åleine, på kvart eit gatehjørne. og eg skulle elska raudvin og når eg drakk det skulle eg lengta etter leikeplassar og snurra på snurrestokkar. og eg skulle spele cello. og lese på bussar og trikkar og fly. og eg skulle skriva kjærleiksdikt i biblioteksbøker.

og kanskje skulle eg sjå slik ut:

korleis hadde du vore om du var ein gut(om du er jente)? eller jente(om du er gut)?

om eit par timar reiser eg til oslo med min fine(så eg veit ikkje korleis det blir med blogging i helga). me skal hoppa og skippa rundt omkring i heile byen, hand i hand. i alle fall på grünerløkka(det er den einaste delen av oslo eg tålar eigentleg) med fine kafèar og bruktputikkar. og i morgon kveld skal me på les miserables og me skal vera himla forelska. om du ser meg; sei hei om du tør!

om eg skulle hatt ein kafè skulle den vore i denne gata. den er eigentleg i praha, men den kunne til dømes vore i paris eller london. eller oslo eller stochholm eller københavn.

og den skulle hatt same heimekoselege kjensla som her.

og slik skulle det sjå ut

og på disken skulle det stått eit glas med hundre sånne som alle fekk få, heilt gratis.


alle som kom inn skulle få ein sånn tatovering.


og heilt i hjørnet skulle det vera ei øskje med kaninbabyar som var av ein spesiell rase så dei alltid var babyar og kunne berre ete kake. heile dagen lang. og det passa jo fint.


og ein skulle servere te i sånne koppar, berre dobbelt så store.


og på toalettet skulle såpene sjå slik ut.

og sånn skulle menyen vore:









og til jul måtte me pynta med eit sånt eit


og alle som jobba der skulle ha rosa hår

alle bileta er frå flickr.

korleis skulle din kafè vore?

min k står for kjærleik

det beste som fins, tykkjer eg.

min k står for kjolar

mykje heller enn mat. det hugsar de vel.

i dag fikk eg endelig scanna den eine diana-filmen min. her er eit par av bileta:

eg elskar verkeleg analoge fotografi, og eg gler meg så så så mykje til å framkalla dei andre filmane mine og scanne dei. eg vil berre scanna alt i heile verda.

eg har fått scanner! og den er fantastisk. for den scannar negativ og bilete og alt mulig. eg er supernøgd. i alle fall kan eg no scanne løyndommane heime.

det byrjar å bli tomt i postkassa. ver så snill, send!

min type morgonperson våknar nullsjufemten av teit alarm. slumre. stjele dyna frå jostein. våknar igjen av teit alarm nullsjutretti, dultar i hanfine for å få han til å stå opp. på dette punktet får eg senga heilt for meg sjølv og gledar meg veldig over det. når klokka er kanskje nullsjufemti kryp eg ut av senga. kler på meg. pussar tenner. sminke. nyheiter. så er klokka nullåttefemten og eg må springa til skulen hand i hand med han der fine.

og eg meinar det, nesten kvar einaste morgon er sånn. helgemorgonar, derimot. da kan eg ligge i senga til det uendelige. berre kosa og lesa bøker og aviser, drikka te og smoothies. eg skulle ønska det var laurdag jaffal annakvar dag.

kva type morgonperson er du?

eg bloggar altfor lite om filmar, det innser eg. så no blir det skjerpings! kva for filmar likar du best av alle i heile verda? eg og christine jobbar med nettsidene våre i dag. det er mykje arbeid med ting me eigentleg har gløymt, men me ser ut til å klara oss. me syng høgt, og snart er det frustrerte fruer.

forresten, ein ting; det er så mange som spør meg om ting som absolutt bør besvarast, men eg har ikkje heilt kapasitet til å svare alle på bloggane sine for augneblinken, så om det er noko de absolutt vil ha svar på anbefalar eg at de sender meg ein mail, så lovar eg å svara! adressa ligg til venstre på sida her, okei? okei. suss!

dette er ein av dei finaste bøkene eg veit om. jeg trenger deg mer enn jeg elsker deg og jeg elsker deg så himla høyt av gunnar ardelius. det er berre så fint å lesa. så berre gjer det.

i dag likar eg: kaniner i tekoppar, fine truser, mini-makronar, jenter med rosa hår, fine strømpebukser, snurretrapper, pastellhus, pushing daisies.

1 2 3 4 5 6 7 8

på denne måndagen har eg sendt avgårde premie til ein viss konkurranse

eg har kjøpt meir sommarfugl-pasta

eg

og han der fine gjekk ut for å eta

eg åt lasagne

han åt carbonara

det var godt!

glad-kjæreste.

på restauranten har dei gullfisk. hei gullfisk.

etterpå reiste me heim der fredrik og oda lanserte mini-fest. oda hadde hatt med julesokk med alt mulig rart i, så me feira litt. fabelaktig.

i julesokken var det blant anna pyttesmå spelekort.


etterpå spelte me rummy(etter veldig diskret hinting på bloggen før i dag). eg vann ikkje, men eg tapte ikkje heller. veldig fin-fin måndag altså. håpar de har hatt fine mandagar òg! no skal eg hoppe til sengs med ein nyvaska fin ein. suss!

kaninnasar

eg vil berre sjå på dette biletet heile dagen lang.

britiske forteljarstemmer

som i stranger than fiction

og pushing daisies. <3

rummykub

men ingen vil spele med meg.

husbåtar

eg fekk nesten ikkje pusta når me tok toget forbi alle husbåtene i paris. eg og han der fine skal bu i husbåt før me dør. det har me lovd.

sommarfugl-pasta

fint.

kva er du besatt av akkurat no?

de har fine skrivebordsbakgrunnar. eg har gjort det vanskeleg for meg sjølv. men! eg klarte å plukka litt her og der. og håpar de er ca einige med meg.






men eg kan jo ikkje velge alle saman. så. vinnaren er:

eg er verkeleg svak for nakkar. så det måtte nesten berre bli sånn. så om du som har dette biletet kan senda adressa di til mailen min(mariell.oyre@gmail.com) hadde det vore fint. suss!

eg har hatt ei lang helg, og farta fram og tilbake frå sandane og heime. fredag: eg tok bussen heim til far og søster og hund.

me hadde pusøk av min nydelige bestemor(eg måtte legge ut bilde for å visa den fine krøllen ho har i panneluggen som eg snakka om her). me såg på tv og koza oss. ho elskar thomas og harald.

pappa laga veldig deilig mat og det var godt å vera heime att. laurdag:

laurdag gjekk eg og pappa på tur i fjellet. eg tenkte å visa eit bilete så de kan få litt perspektiv når eg seier at me er omringa av fjell.

bono var med(ja, han er oppkalla etter vokalisten i U2).

så tok eg bussen til sandane. der var folk i god premierestemning etter cabaret-premiere. som seg hør og bør.


søndag:


eg og han der fine låg i senga til klokka var tre. me las bøker og snakka og kosa og det var i heile tatt veldig fint.

eg spiste frukost: to skiver rista brød med peanøttsmør, ein kopp melk og ein kopp mintkakao.

så tok eg dette biletet som så mange har hatt lyst til å sjå: dette er det eg ser utanfor soveromsvindauget mitt.

så har eg vore på cabaret og det var så fantastisk(som vanleg), og eg måtte nesten grine litt på slutten fordi eg er så innmari stolt av alle sammen.

eg fekk suss av oda i pausen og var litt snerpefjes fordi eg fant han der fine. og han spelte sjakk. og no kjem han til å smitte meg. også sit me der med sjakkbrettet, heile gjengen. pokker.

no har eg lagt meg fint til i senga til hanfine, han lagar mat til oss og straks skal me sjå første episode av pushing daisies(som eg har sett 3 gongar allereie, men ikkje han). gjett om eg er nøgd da!

har de gjort noko fint i helga? suss!

i dag er eg så glad for i dag får skrivebordet på datamaskina mi sjå slik ut:

eg blir glad kvar gong eg ser det. og derfor vil eg lansera ein liten konkurranse(enda eit ledd i min nysjerrighet). eg vil sjå korleis skrivebordet ditt ser ut! finaste får ein pakke i posten med noko skikkelig søtt. lovar! så ta eit bilete av skjermen din, legg ut biletet ein plass og post linken til biletet i kommentarfeltet. dei som ikkje har blogg må legga ved mailadressa i kommentaren.

håpar alle har fine søndagar!

tusen tusen takk for alle dei fine kommentarane på innlegget under. det var ganske nervepirrande, og eg er på eit eller anna nivå redd for å skriva i og med at eg er "ho med bileta". men det gikk jo fint! de er så himla fine. så veit de det.

 dette er del ein av mange i serien som heiter "om bøker", som vil komma kvar søndag framover. eg tar to om gangen, så blir det ikkje for mykje. på ein gong. og eg vil veldig gjerne vite om det er nokon som faktisk les bøkene eg skriv om etterpå og kva de tykkjer om dei.

1. extremely loud and increcibly close av jonathan safran foer

historien blir fortalt gjennom ni år gamle oscar. han bur åleine med mor si i new york etter faren hans døde i terroristaksjonane 11.september. oscar er ikkje heilt som andre niåringar, han er ganske overfølsom og overintelligent. han er vegan, han er musikalsk, han er pasifist, han snakkar fleire språk. ja. for å seie det sånn, eg sakna oscar lenge etter boka var slutt og eg gjer det litt enda. boka handlar om at oscar ikkje heilt har klart å forsona seg med tapet av faren. så når han finn ein nøkkel gøymt i ein vase, startar han ein stor leiteaksjon utan å vite kva han leitar etter.


det er i alle fall noko av det vakraste eg har vore borti, og de bør lesa den. alle saman.

2. muleum av erlend loe

det er nesten så eg er litt redd for å skriva for mykje om denne boka for eg vil så intenst at de alle skal lesa den for å innsjå for ein fantastisk forfatter erlend loe er. verkeleg. og at noreg har mykje å by på når det kjem til bøker. muleum handlar om 18 år gamle julie som nettopp har mista heile familien i ein flystyrt i afrika. ho er åleine i verda med eit enormt hus og altfor mykje pengar, og snart finn ho ut at ho ikkje har lyst til å leva lenger heller, ho vil berre at alt skal ta slutt.




berre les den.

kva er dine favorittbøker?

det er mange som er nysjerrige på meg og han der fine. difor tenkte eg at de skulle få heile historia. året er 2004. eg er 14 år, og inne i ein periode av livet mitt som ein ikkje kan karakterisera som veldig god. kvar dag er eg ute med folk som eg kan le med, men som eg aldri i livet kunne ha snakka med om sånne ting som faktisk betyr noko. berre om gutar og bilar og musikk. så får eg ei venninne. og ho blir min beste venn i heile verda. og me kan snakka om absolutt alt, uansett kva det er. og plutseleg er kanskje ikkje livet så mørkt likevel, og eg er ikkje så åleine som eg har følt meg på mange år. og gud veit kvar eg hadde vore utan ho, for eg hadde definitivt vore ein heilt annan stad og kjent heilt andre folk og eg er evig takksam. verkeleg.

også skjer ein av desse tinga som er så vidunderlig men forferdelig samtidig. eg infiltrerar ein gut for hennar del, som jenter ofte gjer for kvarandre når ein er 14 år. og istadenfor at eg finn ut om han er forelska i ho eller ikkje, som var målet i utgangspunktet, blir han forelska i meg. eg hugsar enda den telefonsamtalen. for me hadde jo sjølvsagt aldri møtt kvarandre eingong. berre på blink og msn og telefonsamtalar til langt på natt. for det kan faktisk skje! så ikkje le av folk som seier dei er forelska gjennom internett. og me held det skjult for ho, medan me snakkar i telefonen til klokka er seks om morgonen, og skyhøge telefonrekningar. eg hadde sommarfuglar i magen når eg sovna og sommarfuglar i magen når eg våkna. eg låg under dyna og sang til han på telefonen så ingen andre skulle høyre det, eg byrja å høyre på jazz.

me møtast fyrste gong på ungdommens kulturmønstring i heimkommunen hans. han var langhåra pianist i bandet, eg hadde med meg vener som mental støtte. før han skulle spele kom han opp der me sat(i trappa) og sussa meg. og eg hugsar enda korleis han lukta. etter konserten, på veg ut av rommet vart eg dratt bak scena der han kyssa meg. og me kyssa lenge. og han fulgte meg på bussplassen og det var plass til begge to i kåpa mi.

når ho finn det ut, blir det eit himla spetakkel, og eg angra verkeleg og ville aldri aldri sjå han igjen og eg grein og grein og grein og smelte med dørene. for sånn reagerer ein når ein er 14 år. stakkars mamma og pappa. men han gav seg ikkje. og eg klarte ikkje å stå imot. me måtte berre vera ilag, for av og til er det kanskje berre meininga. og ho venninna flytta eg ilag med i fyrste klasse på vidaregåande, så det ordna seg sjølv om det var vondt ei stund. og sjølv om me ikkje har på langt nær like mykje kontakt i dag, så setter eg enorm pris på ho og ville ikkje vore utan ho, for ho var ein stor del av å forma meg til den personen eg er i dag.



og han? eg tør ikkje eingang å tenka på kven eg hadde vore utan han. han er absolutt alt eg kunne ønska meg utan å eingang nokon gong ha tenkt at eg ønska meg noko. det kom så plutseleg, og no vil eg at det aldri skal ta slutt, og det skal det ikkje. det høyrast kanskje klissete ut, og det er det, for det er kjærleik på sitt beste. me har sett små flikar av verda saman, roma, london, wales og paris. eg er så heldig at min fine vil sjå verda. eg er så heldig at min fine heller brukar femti pund på ein vintage dior-dress enn ei vinterjakke. eg er så heldig at eg har ein kjæreste eg kan kjøpe teaterbillettar til. neste helg, på kjærleiksdagen skal me sjå les miserables i oslo. han er min beste venn i heile verda. han har den mjukaste halsen i heile verda, og han veit akkurat kor eg klør når eg klør på ryggen.

eg veit ikkje heilt kva eg prøver å seie. berre tru på kjærleiken i alle formar og kanalar. og slutt å leita. for den kjem når ein minst ventar det. og den er verdt å venta på.

m + j = sant.

eg fikk ei nydeleg lærdagbok i julekalender av min fine i fjor(på biletet). den brukar eg til så mangt. heldig for meg er den delt opp i 6 delar, så eg kan dela den opp. den eine delen heiter alfabetet, den eine delen heiter ting som ein berre får elska heilt utan grunn, men den eg skal skriva om no heiter mennesketypar eg likar. for eg likar ikkje å kategorisere menneske utfra kva dei trur på eller kvar dei kjem fra, men kva dei gjer og kvifor dei gjer det. her er nokre av mine favoritt-mennesketypar:

fedre som drikk usynleg kaffe

det er få ting som er finare enn fedre som veit å leika med ungane sine. og når eg ser fedre som er livredde usynlege monster eller som tykkjer den ikkje-eksisterande ferskenteen er heilt nyyyydeleg, da smeltar hjartet mitt sånn heilt fullstendig.

jenter som ler høgt

eg elskar det når jenter berre ikkje bryr seg om kva andre tykkjer og berre ler og ler og ler.

folk som kan sitera rett ut frå shakespeare eller kjende filmar

få ting imponerar meg meir. og eg skal ein dag bli ein sånn ein.

gutar som likar å klemma lenge

dei er ikkje mange, men det verkar som eg har funne dei som finst. fleire gutar burde klemma. da ville jentene vore så mykje gladare.

gutar som spelar piano med augene att

kanskje fordi min fine gjer det. for det er så magisk når det berre blir musikk og han ser ikkje på eingong. han berre kjenner instrumenter som om det skulle vore fødselsmerke på halsen(for det har han òg).

folk som har lest dei same bøkene som meg

og helst om det kjem heilt uventa, at dei plutseleg nevnar ei bok i ein bisetning også blir eg heilt satt ut og veldig betatt.

gamle damer med hatt og leppestift

min bestemor har verdens finaste hår, og eg har spurt ho mange gongar om ho berre vaknar sånn om morgonen eller om ho brukar fleire timar på å få det til. for ho har ei sånn bølge i luggen. ho brukar elnett. generelt elskar eg eldre mennske som framleis ser ein grunn til å pynte seg. det skal eg! eg blir fabelaktig som gamal.

folk som brukar navnet mitt i ei setning

eg gjer det ganske ofte kun fordi eg likar det så godt når andre gjer det. kva tykkjer du om det, mariell? er ikkje det fint? da føler eg meg så spesiell og at vedkommande faktisk bryr seg.

folk som blir heilt usjenerte når dei er fulle

når folk du egentlig finn litt fascinerande fra før av, på litt avstand, men eigentleg er ganske sjenerte plutseleg veit så mykje om deg og har så mykje å seie om universet og korleis det heile heng saman, da blir eg så oversjarmert at eg må holde meg fast i rekkverket.

folk som seier glad i deg heit utan anledning

folk gjer det så sjeldan. og ein veit jo at folk er glad i ein. ein veit jo det. men kvifor kan ein ikkje berre seie det?

jenter som heller kjøper kjolar enn mat

eg fell inn under denne kategorien og vil heller late som om det er sjarmerande og ikkje så irrasjonelt som det faktisk er. men det er jo sjarmerande. vel?

folk som samlar på noko

i alle fall sånne ting som ein ikkje reknar med at folk samlar på. eg kjente ein gang ei som samla på kyss. ho skreiv opp alle kyssa sine i ei bok. eg håpar ho har komt ut av tellinga no.


din tur! kva for mennesketypar likar du best?

eg tar framleis imot spørsmål i innlegget under og skal prøva å svara til i kveld! eg håpar de ikkje finn det uinteressant når eg skriv. for av og til må ein jo skriva òg.

min j står for han der fine. for han heiter nemlig ikkje han der fine, han heiter jostein

og han er absolutt det finaste i heile verda. og han klør på ryggen om ein spør.
 

musikk, dans og drama på skulen min setter opp musikalen cabaret denne helga. i dag, under gjennomgangen, skal klassen min(alle 5!) vera der for å fotografera. eg sneik meg inn i går for å få eit lite forsprang.






det blir skammeleg kult.

det er mange som har spurt om musikken min, og eg veit ikkje heilt kva eg skal seie for det er så himla mykje forskjellig. men på ein onsdag som i dag, har eg denne spelelista på spotify

jepp, som de kan sjå. godt og blanda. eg tenker at eit par av spora treng litt forklaring og utdjuping. eg er disney-fanatiker og ønskar meg alle filmane eg ikkje har(som er så ufatteleg vanskeleg å få tak i, for dei lagar dei ikkje kvart år). derfor elskar eg òg disney-musikken, og den er perfekt for matteoppgåvegjering. i alle fall, her har de eit par favorittar frå lista:


frå lady og landstrykeren har me representanten siamese cat song, som eg tykte var så himla skummel når eg var liten, men eg berre simpelthen elskar den no.


frå løvenes konge har me den nydelege he lives in you, som eg sikkert har høyrt over tusen gonger. seriøst liksom.


colors of the wind. nydelege pocahontas. om det var ein person i verda eg ville bli når eg var liten, var det ho. filmen var det første eg kjøpte for mine eigne pengar, og eg var ikkje gammal nok til å kjøpa den aleine(for det var jo aldersgrense 7 år). så eg fekk med meg lapp fra pappa og gikk heile vegen over gangfeltet til narvesen med min ferrero rocher-boks med småpengar i. det var noko av det mest romantiske eg har opplevd nokon gong.


dette er den kulaste disney-songen. veddar du imot? everybody wants to be a cat!

ei typisk onsdag på skulen-speleliste! også skal det òg seiast at den lista er ganske representativ når det kjem til mine favorittartistar sånn ellers òg.

spørsmål? tips? andre disney-favorittar?

i dag har me feira christine med brask og bram

han der fine hengte opp ballongar i taket

det vart sånnher skikkeleg fint

og ballongane var så altfor fine når dei reflekterte lys fra fatet vårt.

eg laga ein sabla dessert med ei bøtte mintis og ei pakke brownies. iiihnam.

og me prøvde ut den nye fjernkontrollen min og det var sjølvsagt suksess.

er det rart at eg tykkjer ho er noko av det finaste? nei, for det berre er sånn.

ho fekk blåsa ut lysa sine.

fredrik lo masse masse masse. det gjorde eg òg.

me avslutta kvelden med frustrerte fruer og rummy. eg vann ikkje, men trippa nøgd heim likevel. no høyrer eg og han der fine på det norske soundtracket til løvenes konge. det fins faktisk på spotify! det er heilt utruleg.

eg håpar alle alle har hatt like fine tysdagar som meg! suss!

dette er mi finaste christine og i dag har ho purstag. 19 år er ein alder ein ikkje kan bruka til noko som helst, men visst skal det feirast. ho er noko av det beste eg veit, bedre enn kræsj pink og bedre enn solo. gå inn hit og sei gratulerar med dagen! den som ikkje gjer det er ein apekatt. suss!

plutseleg var januar over, så fort så fort. ei lita oppsummering:

januar var månaden for altfor mykje kanelbollar. det er heilt greit om eg aldri ser ein kanelbolle meir i mitt liv. i alle fall kanskje til mars.

januar fant eg tilbake til min beste venn. han heiter johnny. hei johnny.

eg kjøpte skammelig mange sløyfer og kjolar. som vanleg.

eg var forelska som vanleg.

eg åt masse grønnsaksuppe.

og var på utallige festar.

og var forelska på framsida av dagbladet.

eg hadde pakkeleik og vant klovnenasar og paraplyar.

eg og min fine var i bergen på teater. <3!

eg var sjuk og hadde sjuketrusa mi.

masse kos med fine folk.

snurra i skogen.

var på kafè.

feirte christinepurstag.

januar har vore ein alvorlig lang månad, og eg håpar 2009 kan bli like fin som den har vore til no. utan magekatarren, da. har du hatt ein fin januar?

i går var det indianerfest. mykje av arbeidet gikk til førebuinga av det heile. heldigvis hadde eg allereie ein native american-typ-kjole som eg kunne gå med, så det gikk som smurt. som bursdagsgåve til christine bygde eg ein tipi. som her:

og eg fikk stakkars fredrik til å sy håret mitt opp(ja, faktisk) og sy på hatten min

tipien tok lang tid og nesten alt eg hadde av raudt silkebånd.

kjolen min er sånn gamal med fin knyting oppe.

fine christine


det var fjær absolutt overalt.


og christine fikk christine-kake

og høvdingane satt i senga

magen min bestemte klokka ti at kvelden var over, så da var den det. men fin fest. og fine indianarar. no sit eg på skulen og jobbar med nettside, om nokre timar kjem min fine heim att, eg gler meg så eg blir blå i ansiktet. suss!