juli:

juli var ein svært lang månad. eg jobba skift på hydro, og var ganske skiftande sjølv. ho finaste var heime. me sykla og drakk vin, samtidig.

ho der fine er heime frå wales, og eg nyter det.


kjøpte play-doh-liknande ting.


eg hadde bart og var kjempeovertrøtt, som ein kan sjå. og kanskje litt uvant i ansiktet. det er vanskelig å holda på barten.

smykket ho fikk av meg til jul, i dag, ei bok som det står "i love you" inni. for det gjer eg.



min måne og min sol og min stjerne og mitt saturn, eg elskar deg.

2008 har vore eit ekstremt langt, slitsomt, vakkert, uforgløymeleg år. eg skal prøva å oppsummera.

januar:

i januar var eg i danmark i bryllaup.


vel heime i noreg spelte me inn film på rommet mitt. eg er den litt oppgitte lydansvarlige i senga.

februar:

i februar trengte eg og han der fine å komma oss langt vekk. så me tok vinterferien til hjelp, og reiste først til london,

så vidare til wales for å besøka ho fine.



me kjøpte samla verk av william shakespeare i ein bitteliten bruktputikk. han der fine såg poetisk ut når han las ved havet.


på veg heim skjedde dette, som har prega store delar av 2008 etterpå. eg var i bussen, og er framleis redd.

i februar fant dei ho 17 meter under vassoverflata, og endeleg kunne ein få ei grav å gå til.

mars:

i mars var det påskeferie, og me reiste på hytta.


og familien var samla, og bestefar var så veldig levande.


og orion, som nok er av det vakraste i verda.

april

i april var eg på familietur til paris. det var mitt første paris, og ikkje så altfor spennande den gongen. men fint. veldig fint.


etter det vart eg 18 år og feira med grilling og liter på liter med vin. det var magisk. eg hugsar òg april som månaden eg oppdaga granateple-cider(og helst skulle ønske denne fantes både utan alkohol og utan sukker).

me spiste middag i hagen og alt var veldig idyllisk.

mai

me laga pannekaker i steikepanna på grillen til frukost, og dansa i hagen. mykje. eg hugsar òg mai månad som den månaden med mest øl.



me var på balejazz, eg hadde pressepass og flasha det skamlaust.


bestemor og bestefar 17.mai.

nokre dagar etter dette blogga eg på hjartesmil for fyrste gong.

juni

juni var månaden for fabelaktige festar.




juni var månaden me reiste til trondheim, til landsmønstringa i ukm med berrføtt.


han der fine, eg og pia.

kva gjer eg frå klokka 00:30 til ca 04:12?
altså, når det blir så seint at det blir 6 timar ein har spist, så kan ein jo bli litt svolten. da gjer eg sånn:

tar 3 egg, litt vatn og graslauk(og salt, men det gløymte eg faktisk i natt). hiv det oppi ei panne med olje på svak varme.


litt paprika, litt purre og litt sopp(eg kunne forresten vore utan sopp egentlig)

og ost på toppen! i mitt tilfelle mykje ost.

så lagar du ein kopp chai med ein pose bengal spice, nesten heilt fylt med vatn, ei teskjei honning og litt melk. nam!

så prøver du ut det nye serviset du fikk av onkelen din til jul. jepp! nam.

etter dette er ein sjølvsagt full av ny energi og må til med snurringa igjen.






i dag er eg kjæreste-mariell, svigerdotter-mariell, tante-mariell, yatzy-mariell og snart er eg inspector morse-mariell òg. det er deilig med ferie.





og om de saknar meg medan eg er så dårlig til å blogge, kan de sjå på denne fine barneboka som eg vart tipsa om av fine janne.

okei, eg skjønnar ikkje kvifor eg gjer dette mot meg sjølv. det er jo så vanskeleg å velje! og de er så himla søte. det pleiar jo verkeleg egoet å ha ein sånn konkurranse. og til dei som ikkje vinn; fortvil ikkje; eg kjem med nye bøker snart! og då kan de kjøpa. for å setta seg opp på reserveringslista, kan de senda mail til mariell.oyre[krøllalfa]gmail.com. fint vel?

og tusen tusen tusen takk for bidraga. eg hadde aldri trudd eg skulle få så mange! de er fine.

jepp - vinnaren er emilie k. (eg er ikkje hundre prosent sikker på om det er den bloggaren eg trur det er, men eg linkar likevel og håpar det er rett). gratulerer!

og som sagt; send mail og reserver da vel! fint for meg, fint for deg.
suss!

ålreit, så eg er endeleg heime etter fleire liter raudvin og mange mange fine folk. eg har vrikka foten og kjolen er full av raude flekkar, men kanskje er det heilt ålreit.















fin kveld.

det var òg julegåveutdeling. eg fikk

av lina fikk eg ei høne i keramikk som ho har laga sjølv. alt ein lærer på folkehøgskule!


fra janne fikk eg øyredobbar som ho ikkje hadde laga sjølv.

av maja fikk eg lommeleksikon og apeklistremerker. fint!

fredrik, som eg bur med, har laga eit manus som julegåve til meg. eg har ikkje lest det enda, men eg gler meg!

no er eg heime.



korleis har din laurdag vore?
suss!

no reiser eg til sandane for å festa med dei finaste. bildemaraton kjem i morgon!

eg er kjempefornøgd og ser litt teit ut. men glad! og plis

hugs konkurransen!

suss.

her er gåver eg har gitt bort:


eg har aldri sett så mange gåver på èin plass før i heile mitt liv. me var 12 stk, sånt blir det pakker av. her er noko av det eg gav vekk


pappa fikk to av mine favorittbøker, pluss eit gavekort på bruktputikk. min far er nemlig samlemanisk, og no for tida er det bøker det går i. han har faktisk lister.



personlig almanakk(frå personligalmanacka.se) til min mamma, som heiter alfhild.


til min mor og min far saman har eg kjøpt eit kjærleiksvottepar. så ein kan holde hender inni den store votten. var ikkje det fint? eg har kjøpt eitt par til min mor og min far, og eitt til han der fine og megsjølv.



min pyttelille søster fikk fint konvoluttsmykke med eit brev oppi! fint.


han der fine fikk bilettar til les miserables på valentindagen. to fluger i èin smekk! fint. pluss sjølvsagt eit sånt vottesett. fint.


denne fine ringen fikk fredrik. veldig passande om eg så får seie det sjølv.

til heile familien kjøpte eg dette spelet(som har blitt flittig brukt etter middag i dag)

rummy. kult spel. eg vinn.


onkel var på middag i dag, med sin familie.






min pappa.

og kva har eg fått?

jo. masse masse pengar. til amsterdam-turen frå mor og far også litt her og der frå onklar og tanter og besteforeldre. så har eg fått litt ting òg.

av han der fine fikk eg pingvinenes marsj-filmen. pluss smykker frå fine matilda sin webshop, men dei har ikkje komme i posten enda, så eg veit ikkje kva det er. men fint i alle fall! eg har flink fin.


av mine svigerforeldre har eg fått samlede dikt av andrè bjerke.



av venninna til mamma fikk eg dei morsommaste leopardtøffelsokkane eg har sett(for eg har jo sett så mange variantar skjønnar de vel)


hiiiihi. på sjekken eg fikk av bestefaren til han der fine står det til maravel. for han trur at eg heiter det. maravel. han er noko av det søtaste.

og for nokre av pengane eg har fått, har eg allereie bestilt

canon 50mm 1.8. <3


to sesongar av csi las vegas. <3

og

<3

i morgon reiser eg til sandane for å feire jul med dei fine fine fine fine! eg gler meg som eit lite barn.

(bilete av julegåvene kjem i morgon, eg er absolutt utmatta. det har vore ein fin-fin dag og eg gler meg no til å berre slappa av i jula. drikka chai og sjå mykje film. lesa andrè bjerke til det tyter ut av øyrene på meg. god natt, god jul.)

tatoveringar. eg tykkjer det er så fint når folk tatoverer ting som verkeleg betyr noko for dei. og ikkje berre idiotiske teikn som ikkje betyr noko som helst, eller enda verre; som ein ikkje veit betydningen av. desse er fine fordi dei er frå bøker og filmar og forfattarar som eg kjenner til. fordi eg kjenner til dei.


"and so it was, and so it goes, and so it shall be" kurt vonnegut.

frå the bell jar av sylvia plath. å, som eg elskar ho. fritt omsett av "I took a deep breath and listened to the old bray of my heart. I am. I am. I am. "

eit av mine absolutte absolutte favorittar. e.e cummings(i carry your heart with me).

"here is the deepest secret nobody knows

(here is the root of the root and the bud of the bud
and the sky of the sky of a tree called life; which grows
higher than the soul can hope or mind can hide)
and this is the wonder that's keeping the stars apart

i carry your heart (i carry it in my heart)"

frå fight club. nydelege filmen.

"i'm breaking my attachment to physical power and posessions because only through destroying myself can i discover the greater power of my spirit"


emily dickinson.

det vart lite baking i natt, men eg var fin.

julesokk! helsing mamma/nissen.

strømpebukse, kinder maxi, pulverpadder, truly juicy. <3

pyttelitt snø.


glad-hund.

fine pakkar i posten i dag! frå eira og christine. hjartehjartehjarte.


frå eira.



nydeleg, hih, heimelaga, hih, nålepute. <3 frå christine.

no stressar eg. skal feira jul hjå tante. blir koz. god jul, alle saman!

ein av mine favorittsongar, i utgangspunktet ein joni mitchell-sang. veldig fin, og spesielt for dei som ikkje heilt elskar jula. og kven likar vel ikkje robert downey jr?

i dag har me vaska golvet og børi ved og all that jazz. me har fin pynt.






i dag fikk eg kjøpt retro julepynt for 46 gullpengar. det har eg sjølvsagt pynta mitt pyttelille juletre med.




bestemor har vore på middag, ho er framleis noko av det vakraste. og søtaste. hih. beste bestemor. også har me pusøkt bestefar. i all hemmelighet la eg igjen ein klementin.


håpar de alle har ei fantastisk lille julaftan! her er den langt ifrå ferdig, og eg har mykje baking og filmsjåing att før eg legg meg i natt. eg gler meg.

og til alle mine fine fine fine lesarar;
I LOVE YOU. tenk.

i dag har eg, mariell hjartesmil, på eiga hand montert to hyller. takk for applausen. eg har òg pynta med juletre, på ein måte. sjå da vel.

mitt eige juletre, tenk det. det har eg pynta med julepynt for 6 gullpengar frå bruktputikk. dei er riktig fine.

ein som har trompet.

ein med ein trekkspel-liknande sak.

og ein som heng som sjuande far i huset i ei julestrømpe. sant dei er den finaste julepynten du har sett i ditt liv? javisst det.

sløyfehylle.

diana har òg juleferie. ho trivst veldig med det.

skrivemaskina mi er vakker. men den funkar ikkje.

pytteliten hatt som eg skal laga til hårpynt. da blir eg så fin som klementin.

eg har fått bøkene mine, nemleg. 20 stk. også har det seg sånn at eg har solgt 19. egentlig har eg solgt 20, men det var nokon som ikkje ville ha likevel. så da tenkte eg kvifor ikkje gjera det til noko moro istaden for å berre selga til nestemann på lista. så. de får 3 kriterium for å få denne boka. 2 av tre må vera utfylt:

1. vis meg noko vakkert(eg er svak for frukostar, juletre, koffertar, skrivemaskiner, fine skjerf, gutar med fint hår, kaninnasar, bøker, gamle kamera, fine boksar). anten eit bilete eller skriv ein historie(eg er ein sucker for små fine historiar)
2. skriv kvifor du les bloggen min(for sjølvsagt blir det nokon som faktisk les bloggen min som får boka)
3. reis på eventyr og vis meg eit bilete frå det. ver kreativ.

så kan de til og med få tre alternativ når det kjem til overlevering av forsøk! wuhu. mail til mariell.oyre(krøllalfa)gmail.com, lag eit innlegg og send meg linken, eller enkelt og greit; bruk kommentarfeltet. konkurransen vil gå til 2.juledag. lykke til!

om du ikkje har lyst til å vera med på sånne ufyselege ting og heller berre vil ha ho, kan du by pengar. ein kan jo alltids prøve.

og ps: Følg min blogg med bloggkoll!

okei, no skal me faktisk baka. sjå så glad eg er.


i min lille familie som består av megsjølv og han der fine, er det viden kjent(mellom oss to) at før ein bakar, må ein snurra i bestemorkjole. så da tar me den biten fyrst.

sånn. etter du er ferdig med det kan du gjera følgande(du vil kanskje først vita kva me skal laga? peppermyntestenger.):

kok opp 1 dl mjølk med 50 g mjøl. dette blir ein ganske ekkel graut som ser sånn ut:

(nei, det ser ikkje godt ut i heile tatt - men det blir!) sett den til avkjøling ei stund medan du drikk eit glas solo, for eksempel.

så! no tek du 500 gram melis(det er ein heil sånn boks, og helst økologisk for min del) og 6 dropar peppermyntedropar(desse må ein kjøpa på apoteket). også skal du gjera det umulige, nemlig å kna 500 gram melis inn i ein pytteliten deig. det går bra med litt damemusklar. når du er ferdig skal den sjå omtrent sånn ut:


så! no er det på tide å rulla ut til små rullar, ca like store som min lillefinger og kanskje din òg. sånn:

(dette tek litt tid)

så tek du ca 75 gram delfia-feitt og 150 gram kokesjokolade og smeltar det saman til ein deilig symfoni. sett det til å kjøle litt medan du tømmer kokos ut over ein vanlig middagstallerken(viktig at den er passe flat). du treng ca ein heil pose kokos, 200 g, men ikkje ha alt på tallerken på ein gong. spe heller på etter kvart. tøm sjokoladeblandinga over på eit middagsfat.


no er det på tide å grise. rull/dypp kvar peppermyntestang så den er dekka i sjokolade. så rullar du den gjennom kokosen. legg på fat. voila! (no har du berre ca 50 igjen, hih)


også må ein grava dei ned i hagen. så gode er dei faktisk.

i dag har eg fått svar frå blair, som driv brown paper packages. det er eit nettsamfunn der du skriv ein mail om deg sjølv, også parar blair deg opp med nokon du kanskje lignar litt og ho trur du vil lika. så utvekslar ein adresser og så kjem moroa! heile poenget er nemlig at ein skal sende brev og små pakker til og bli kjent med nokon frå ein annan stad i verda. eg har fått cynthia frå the us. så langt veit eg ingenting om ho, men eg gler meg til å begynna. fint, ikkje sant?


gjer det du òg da vel!

keri smith har laga ei meget søt bok som heiter wreck this journal. den er på ein måte som ei dagbok, og er mykje som det her:









fint, ikkje sant vel?

 min bestemor er ei søt dame som alltid er fin på håret(eg lurer på korleis ho gjer det). ho har eit søtt hus med søte små vidunderlige ting.
ho har ei sånn settekasse. med fuglebur.

pytteliten sykkel.
pytteliten veldig fin gris.

min pappa! hihihihihihihihi. (han ser ikkje heilt sånn ut no lenger)

meg.

min bestefar var ein kjekk ung mann.

brudebildet. hjartesukk.

bestemor har tusen kilo blomar i stova akkurat no.




korleis er di bestemor?

eg er frelst(ja, igjen, men høyr da!). eg har funne det mest fantastiske community nokon gong på livejournal. det heiter cinnamon mornings og er eit samlingspunkt der folk legg ut bilete av frukosten sin! perfekt for meg i alle fall.

eg har ordna rommet mitt. så no er det liksom mitt. og det har det ikkje vore før.

eg har hengt opp blondegardin(den i headeren min faktisk) med alle silkebånda og sløyfene mine på. så vart det fint plutselig.


fin. ti gullpengar.

og dette ser eg når eg vaknar. fuglar i taket.

beatrix potter var ei magisk dame. den varme kjensla av barne-tv sprer seg i heile kroppen. fint, ikkje sant?

eg tykkjer isabelle mcnally sin heim er noko av det mest magiske eg har sett i mitt liv, og eg skulle ønska eg kunne bytta med ho med ein gong. pang. så var eg der. med alle bøkene og globusen og dei fine rammene på veggen. og sofaen som ein kan drukne i og kjøleskapet fullt av sjokolade. ih.

eg elskar marie antoinette.





















tenk om alt kunne vore så fint, da. store kjolar og fine stoff og tapetar og sommarfuglar i håret og alt bevegar seg på ein måte i sakte film. tenk om alle kunne sett sånn ut. det hadde vore perfekt. javisst hadde det det.

i år vil eg helst at jula skal kjennast slik ut. lett og raud og roleg og fin. polkagrisar og peppermynte og pepperkaker og kakao. det er vel fint.

herreguuuuuuuuuud. eg er ikkje sur lenger.

eg irriterer meg over folk i kø, folk som absolutt skal stå midt i rulletrappa, glade bussjåførar, folk som smiler til kvarandre. eg er ikkje i stand til å takle å vera glad. eg har ein klump i magen. i dag har eg handla kjole til gravferd til  min bestefar. den er på torsdag. om han hadde vore i live hadde han blitt 78 år på torsdag. fint og ironisk tykkjer eg.

eg har heldigvis besøk av den aller finaste. heilt frå wales.



fina.

og meg.

i kveld blir det wining and dining med mine finaste. alle fire.

i går, 13.desember, på luciadagen, døde min kjære bestefar. han var ein god mann, og eg saknar han så veldig. heldigvis fekk me hatt julemiddag sist søndag, så me fikk feira litt jul med han likevel. eg tek tidlig juleferie i år, men prøver å gjera kvardagen og jula så normalt som mogleg. han hadde villa det. og bestemor er ei sterk dame som kjem til å klara seg strålande. tusen takk for alle kommentarane. det betyr mykje.

(tilgi meg for photo booth) i dag fikk eg pakke frå ei fin ei. min bestevenn. frå wales. frå uwc.


tekanne!


happy hippos. <3 herregud. mitt favorittsnop av alt. også selger dei det ikkje i noreg. eg fekk i dungevis i dag. ih!


og den søtaste potpurri-posen! og det finaste er at på mandag kjem ho hit for å bu hjå meg i nokre dagar. det blir absolutt heilt magisk, eg har ikkje sett ho sidan sommarferien. det er så fint med sakn, er det ikkje?

have you ever thought about what protects our hearts?
just a cage of rib bones and other various parts.
so it's fairly simple to cut right through the mess,
and to stop the muscle that makes us confess.

and we are so fragile,
and our cracking bones make noise,
and we are just,
breakable, breakable, breakable girls and boys.

breakable - ingrid michaelson

ei raud skrivemaskin. eller ei skrivemaskin i heile tatt. eg døyr utan.

pengar. det kan ein foreksempel få tak i i alle bankane i landet, alle minibankar og stort sett alle putikkar.


canon 50mm 1.8.canon 50mm 1.8. <3 eg har aldri møtt deg, men eg elskar deg.


csi på dvd. eg elskar gil grissom. ingen kan vera så kul som han.


denne. plis, nissen. plis.


undertøy fra agent provocateur. og kate moss, sjølvsagt.



kitchen aid-kjøkkenmaskin. oh how i love you.

denne fine tote-bagen, herifrå.





fin-fine smykker. til dømes dette.


falske klementiner. så kan dei vera med meg heile året. dei kan ein kjøpa her.


fingerdukker!!! her.


origami-fuglar! og sidan eg ikkje er noko flink til å lage dei sjølv, er det mogleg å kjøpe dei her.

eg er snart tilbake. og det blir bra. også startar eg nettputikk med for eksempel søte smykker.

for eksempel paraplysmykker. så håpar eg de kjøper. det blir fint. eg har det bedre no.

takk for at de er så fine.

eg er så lei av blogging. der. der har eg sagt det. rett ut. eg er så lei av å tenka på statistikk og kommentarar, at kvardagen min dreier seg om tal, det har blitt eit ny form for prestasjonsangst. og heile dagen tenker eg på at eg bør blogga. det burde ikkje vera sånn. men kva har skjedd med folk? kva med dei lydlause ca 250 personane som les bloggen min kvar dag og ikkje gir eit pip frå seg? eg er paranoid fra før. dette er meg som ber om ein pause. ein liten pause. eg kjem til å køyre julekalender fram til jul, men eg trur ikkje det blir så mykje ekstra. tilgi meg. om du bryr deg. eg gir meg mens leiken er god.